Американската Јужна команда тврди дека бродот нападнат во петокот бил управуван од „означени терористички организации“ кои не се идентификувани.
Се наведува дека нема повредени припадници на војската, а убиените ги опиша како „машки наркотерористи“, без да даде детали.
„Разузнавањето потврди дека бродот се движел низ познати рути за трговија со дрога во источниот Пацифик и бил вклучен во операции за шверц на дрога“, објави американската Јужна команда на Икс.
On April 24, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known… pic.twitter.com/FRHwqXsHm2
— U.S. Southern Command (@Southcom) April 25, 2026
Исто така, објави видео клип од 16 секунди. Американската војска изврши голем број вакви смртоносни напади во источниот Пацифик во последните недели.
Администрацијата на претседателот Доналд Трамп напаѓа бродови што ги обвинува за транспорт на наркотици. Повеќе од 170 луѓе се убиени во нападите на американската војска врз вакви бродови од септември.
Експерти и застапници за човекови права, како во САД, така и низ целиот свет, ја доведоа во прашање легалноста на нападите.
Хјуман рајтс воч и Амнести интернешнл изјавија дека нападите претставуваат „незаконски вонсудски убиства“.
Американската унија за граѓански слободи ги отфрли тврдењата на Трамповата администрација против оние кои ги таргетира како „неосновани тврдења кои шират страв“.
