Претседателот на Србија на Курц му врачи Орден на Република Србија, за заслуги во унапредувањето на односите со Србија и целиот регион на Западниот Балкан.
„Драг пријателе, денес имам исклучителна чест и особено задоволство како докажан пријател да ви го врачам највисокото државно одликување, поради зацврстувањето и развивањето на соработката на Србија и Република Австрија“, кажа Вучиќ.
На јавноста ѝ се обрати и австрискиот канцелар Курц: „Многу нè радува тоа што во Австрија имаме луѓе со корени од Западниот Балкан, кои придонесуваат на нашето општество. На тебе претседателе, но и на целата влада, сакам да ви се заблагодарам на сè, бидејќи сме најголеми економски партнери. Ние сме еден од најголемите инвеститори тука во Србија, и особено нè радува економскиот развој во оваа земја, бидејќи раст од седум отсто е многу импресивен, ако ја погледнеме минатата година“, кажа Курц.
На крајот, претседателот на Србија уште еднаш му честиташе на австрискиот канцелар на одликувањето и му порача дека од денес „Србија е неговиот втор дом“.
[video:https://youtu.be/22V1lHcXy3U autoplay:0]
