Привремениот градоначалник Номани изјави дека само оние жени кои работат на „позиции што мажите не можат да ги заменат или кои не се за мажи“, имаат право да одат на работа. „Тие одат на работа секој ден“.
Останатите жени мора да „останат дома, додека ситуацијата не се нормализира“, додаде Номани. „Нивните плати ќе бидат исплатени“, рече тој.
VIDEO: No work for a woman if a man can replace her.
Women municipal workers in Kabul will not be allowed to return to work unless they occupy “positions that men could not fill or that were not for men”, says Taliban Mayor of Kabul. The other women must “stay at home” pic.twitter.com/w9kyQudyI0
— AFP News Agency (@AFP) September 20, 2021
Молави Хамдулах Номани објасни: „Отпрвин им дозволивме на сите да ги преземат своите работни места, но потоа Исламскиот емират увиде дека е неопходно да ги запре жените да работат некое време“.
Ова е уште еден знак дека талибанците го наметнуваат своето остро толкување на шеријатскиот закон, кој вклучува ограничување на жената во јавниот живот, и покрај првичните ветувања за толеранција и вклучување.
Во своето претходно владеење во 1990-ти години, талибанците им забранија на девојките и жените да одат на училиште и да работат.
Намони рече дека сè уште се чека конечна одлука за вработените во општинските одделенија во Кабул, како и дека во меѓувреме ќе ги зголемат платите.
Тој додаде дека пред преземањето на Авганистан од страна на талибанците минатиот месец, нешто помалку од една третина од речиси 3.000 вработени во градските служби биле жени кои работеле во сите одделенија.
