Портпаролот на министерството потврди дека седум од повредените се итно префрлени на сложени операции. Индиската амбасада во Кувајт соопшти дека починатиот маж е индиски државјанин и дека се во контакт со семејството на жртвата за да им ја пружат целата потребна помош.
Kuwait… their international airport got hit hard this morning. Terminal 1 took serious damage from Iranian drones and missiles, one person killed, several injured. Flights all suspended, chaos on the ground pic.twitter.com/zDiO2oLy4S
— Fahad Naim (@Fahadnaimb) June 3, 2026
Државната новинска агенција КУНА, повикувајќи се на Министерството за одбрана, објави дека Терминал 1 на кувајтскиот аеродром е сериозно оштетен во нападот. Снимките што кружат на социјалните мрежи покажуваат пламен, густ чад и обемно уништување во самата зграда на аеродромот. Кувајтското Министерство за надворешни работи подоцна потврди дека и други делови од инфраструктурата, вклучително и некои дипломатски претставништва, се оштетени во нападите.
Портпаролот на кувајтското Министерство за одбрана, бригаден генерал Сауд Абдулазиз Ал-Отаиби, остро го осуди нападот, прогласувајќи го за „криминална иранска агресија“. Централната команда на САД (ЦЕНТКОМ) објави дека Иран испалил две ракети кон Кувајт и уште три кон Бахреин во текот на ноќта, но тврдат дека се распаднале или биле успешно пресретнати. Сепак, рој камикази дронови успеале да ја пробијат одбраната и да погодат цивилни цели, вклучувајќи го и гореспоменатиот аеродром.
Terminal One at Kuwait International Airport suffered significant damage, with multiple civilians being injured, in last night’s retaliatory drone and missile attack by Iran, which reports initial claimed had only failed to target Ali Al Salem Air Base. pic.twitter.com/m2g4NaIt4f
— OSINTdefender (@sentdefender) June 3, 2026
Овој брутален напад од страна на Техеран е всушност директна одмазда за акцијата на американската војска, која нешто претходно изврши, како што велат, „самоодбранбени“ воздушни напади на иранскиот остров Кешм во Ормускиот теснец. ЦЕНТКОМ соопшти дека цел на нападот била иранска воена контролна станица и бил извршен како одговор на тековните ирански напади низ Блискиот Исток.
Американците, исто така, потврдија дека собориле три ирански дронови кои ги таргетирале цивилните бродови во регионалните води во текот на ноќта. Претходно, американските сили, како дел од поморската блокада на Ормускиот теснец, погодија и онеспособија празен танкер за нафта што пловеше под знамето на Боцвана кон Иран. Американски авион испали ракета „хелфајар“ директно во машинската просторија на бродот откако екипажот целосно ги игнорираше многуте предупредувања.
Реакцијата на Техеран беше моментална и воинствена. Корпусот на Исламската револуционерна гарда (ИРГЦ) на Иран соопшти дека „нарушувањето на безбедноста во Ормускиот теснец ќе носи огромна и тешка цена за агресивната американска војска“.
Иранското Министерство за надворешни работи, како што објави новинската агенција АФП, испрати јасна порака во која тврди дека лидерите на Кувајт и Бахреин носат „директна и недвосмислена одговорност“ за американските напади бидејќи ѝ дозволуваат на американската војска да дејствува од нивна територија. Иран веќе во повеќе наврати гаѓаше цели во овие земји токму затоа што во нив се наоѓаат големи американски воени бази.
Целиот овој опасен бран на ескалација доаѓа во време кога мировните преговори и прекинот на огнот меѓу САД и Иран се целосно заглавени, откако во текот на викендот не беше постигнат никаков напредок во врска со конечниот текст на договорот.
