Руската вселенска агенција Роскосмос рече дека има проблем со модулот Ѕвезда, во кој се сместени станбени простории и кој во последно време се справува со истекување воздух, што наводно се случува кога батериите на вселенската станица се полнат.
Францускиот астронаут Томас Песке изјави дека „мирисот на запалена пластика или електронска опрема“ стигнал до американскиот дел на станицата, објави руската државна новинска агенција РИА Новости, повикувајќи се на пренос на НАСА.
Роскосмос рече дека двајцата космонаути во бродот, Олег Новицкиј и Пјотр Дубров, активирале филтер за воздух што го вратил квалитетот на воздухот во нормала пред да се врати на „ноќна пауза“, според АП.
„Сите системи функционираат нормално“, додава агенцијата. Проблемот, најнов од аспект на стареењето на вселенската станица, се случил само неколку часа пред космонаутите да ја почнат шестчасовната вселенска прошетка за да го подготват модулот Наука за операции по неговото проблематично пристигнување во јули. Тоа заврши со поместување на вселенската станица од позицијата во инцидент што руските власти го припишуваат на дефект на софтверот.
Преносот во живо од вселенската прошетка веќе е почнат.
[video:https://www.youtube.com/watch?v=21X5lGlDOfg autoplay:0]
