Програмата во живо ќе почне во четврток со стартот на Светското фудбалско првенство, дотогаш на каналите на Арена Спорт Македонија ќе се емитуваат документарни серијали за претстојниот Мундијал и снимки од постари натпревари.
Арена Спорт Македонија за почеток ќе има три канали, тие ќе го добијат местото на досегашните Арена Премиум 1, 2 и 3. Останатите канали на Арена ќе останат и понатаму да се емитуваат.
Тимот на коментатори го сочинуваат искусни и познати лица на македонската јавност, овојпат собрани на едно место, во една телевизија која ќе ги емитува сите врвни спортски натпреварувања кои ќе бидат интересни за нашата публика.
