По двата порази во низа пред паузата за репрезентативни настапи, Барселона вечерва им се врати на победите. На Камп Ноу, избраниците на Куман триумфираа во дуелот со Валенсија со 3-1.
Гостите добро го започнаа мечот и поведоа по пет минути игра, Гаја биеше прецизно од врвот на шеснаесетникот за 0-1.
Одговорот стигна во 13. минута, Ансу Фати врати со иста мера и прекрасно пласираше од работ на казнетиот простор за 1-1.
Во финишот на првиот дел, по една убава акција, Ансу Фати беше соборен во шеснаесетникот а Депај од белата точка донесе 2-1.
Валенсија се обиде да се врати во продолжението од мечот, но откако гостите не успеаја посериозно да се заканат, на пет минути пред крајот, Кутињо реализираше за 3-1 и прв гол по речиси една година.
