Земјата се срушила околу пладне додека багер работел во внатрешноста на ископот, при што пропаднал тротоарот од улицата покрај градилиштето, велат жителите од околните згради.
Багерот бил затрупан, но нема повредени лица. За овој инцидент известени се Центарот за управување со кризи, ЕВН и други институции. Се преземаат мерки за расчистување на случајот, информираат од МВР.
На градилиштето се работело и денес, на државен празник. Оштетени се и кабли за струја и телекомуникации.
Жителите од околните згради велат дека уште од почетокот предупредувале на небезбедното копање и недостигот од соодветна заштита.
