„Преземаме мерки за подигнување на нивото на надворешниот и внатрешниот изглед на Железничката станица Скопје преку долготрајна акција и сет на активности. За старт се отстранија сите билборди и светлосни реклами (остана уште една светлосна на Хамза донер кои одбиваат да ја извадат, истите доколку не ја отстранат во рок од 7 дена договорот за закуп ќе им биде раскинат), потоа се отстранија сите информативни постери кои со години се напластени, се продолжува со генералната хигиена“, напиша Ивановски.
Тој најавува целосна реконструкција на станицата со помош на експертите од Архитектонскиот факултет и од ИЗИИС.
„Процесот на враќање на нормалниот изглед на железничката станица нема да е лесен процес, но да почнеме денес“, вели Ивановски.
