Според информациите од Министерството за внатрешни работи, пријавениот на 9 април 2026 година, на сопствено земјиште лоцирано покрај регионалниот пат Струга–Калишта, запалил сува трева и нискостеблеста вегетација што претходно ја собрал.
Набргу потоа, пожарот се проширил и кон дрвниот насад со јасика кој се наоѓал покрај патот.
Од полицијата информираат дека во пожарот немало повредени лица, но против пријавениот е поднесена кривична пријава по член 288 од Кривичниот законик.
Надлежните институции и понатаму апелираат граѓаните да бидат внимателни при палење оган на отворен простор, особено во близина на патишта, шуми и сува вегетација, поради опасност од неконтролирано ширење на пожарите.
