Овој значаен културен настан се реализира со финансиска поддршка од Министерството за култура и туризам и под покровителство на претседателката на Македонија Гордана Сиљановска – Давкова, потврдувајќи ја важноста на музичката уметност, образованието и негувањето на културните вредности.
Концертот ќе се одржи на 1 јуни во салата на Музејот на македонската борба за самостојност – Скопје, со почеток во 20 часот, каде публиката ќе има можност да ужива во внимателно подготвена музичка програма во изведба на младите уметници – студентите на ФМУ, кои преку својот талент, посветеност и уметнички израз го продолжуваат богатото музичко наследство на институцијата.
