Акцијата на полицијата почнала во 6 часот наутро, а медиумите во Подгорица пренесуваат дека полицијата користела солзавец и шок бомби за да ја разбрка групата од неколку стотици демонстранти кои од зората се собрале на централниот плоштад. Тие на полицијата фрлале камења и шишиња, а фрлен е и молотов коктел.
Сепак, митрополитот црногорски-приморски Јоаникие е устоличен во Соборниот храм на Христовото воскресение во Цетиње.
Српскиот патријарх Порфирие кажа дека Јоникие е избран за цногорско-приморски митрополит.
„Тоа е голема должност и чест да се дојде на тронот на Свети Петар Цетињски и многу светци до денес. Не дојдовме тука нешто да грабнеме и загрозиме или не дај боже украдеме, дојдовме да го извршиме светиот чин на устоличувањето“, кажа Порфирие.
Тој додаде дека „мирот тука е попотребен од што било друго.
На Јоаникие му порача: „Вие не сте тука за да прашувате кој е кој и на кој народ му припаѓа. Тука сте да ги тапите остриците и да ги спојувате мостовите“.
[video:https://youtu.be/mkUwiPOqpUU autoplay:0]Вучиќ: Добро е што владата го смени ставот
Претседателот на Србија Александар Вучиќ кажа дека е добро што владата на Црна Гора го сменила ставот и дозволила да се одржи устоличувањето на митрополитот Јоаникие.
„Цетиње е место каде што постои изразена омраза кон сите кои припаѓаат на други народи освен на црногорскиот, но дури не би кажал дека тоа е вистинска омраза туку дека е поттикната од делата на политичарите“, кажа Вучиќ.
[video:https://youtu.be/zNQ755Y41tM autoplay:0]
