Веран рече дека во просек секоја секунда двајца Французи се позитивни на ковид-19.
Состојбата во болниците е загрижувачка поради делта варијантата, рече тој, додека ударот со омикрон сè уште се очекува. Грипот дополнително ќе ја усложни ситуацијата во болниците, додаде тој.
Еден ден претходно, Франција забележа речиси 180.000 случаи на зараза со ковид-19, што е рекорд за една земја во Европа.
Според податоци од страницата Нашиот свет во податоци, 72,9 отсто од Французите се целосно вакцинирани, додека 78 отсто примиле најмалку една доза.
Глобалната зараза со ковид-19 урива рекорди во последните седум дена, покажаа податоците на Ројтерс во средата.
