Капсулата Драгон слета во Атлантскиот Океан околу 19 часот по локално време (1 после полноќ по средноевропско време), недалеку од Кејп Канаверал, од каде во средата полетаа четворица американски туристи. Спејсекс го пренесуваше во живо слетувањето на своите медиуми.
По враќањето во атмосферата, спуштањето на капсулата беше забавено со четири големи падобрани. По нејзе по слетувањето во океанот, брод на Спејсекс брзо допловил до неа, а потоа на патниците им било овозможено да излезат. Четворицата потоа се транспортирани до вселенскиот центар Кенеди на Флорида.
The #Inspiration4 Crew Makes Evening Splashdown, Completing World’s First All-Civilian Orbital Mission to Space: https://t.co/NB4dV6DYgA pic.twitter.com/TTUVhkmnJF
— Inspiration4 (@inspiration4x) September 18, 2021
„Ова беше одлично патување, но тоа е само почеток“, рече по слетувањето 38-годишниот милијардер, командант на мисијата Џаред Ајзекмен.
Splashdown! Welcome back to planet Earth, @Inspiration4x! pic.twitter.com/94yLjMBqWt
— SpaceX (@SpaceX) September 18, 2021
Ова е трет пат компанијата на Илон Маск да однесе човечки екипаж во вселената и да го врати, по две мисии за НАСА, во август минатата година и мај оваа година. Двата пати се работеше за превоз на астронаути до Меѓународната вселенска станица. Капсулата Драгон патуваше овој пат подалеку од ИСС, на височина од 575 километри. Патувањето беше финансирано од милијардерот Ајзекмен кој на Спејсекс за тоа му плати десетици милиони долари.
Crew of @Inspiration4x – first all-civilian human spaceflight to orbit – returns to Earth pic.twitter.com/pnjkDjnkAw
— SpaceX (@SpaceX) September 18, 2021
Ајзекмен трите позиции им ги понуди на странци, медицинската сестра Хејли Аркено (29), професорот Сијани Проктор (51) и ветеранот на американското воздухопловство Крис Семброски (42). За време на летот, нивните витални знаци биле мерени за да се проучи влијанието на вселенската средина врз необучени цивили. Кружејќи околу орбитата со брзина од 28.000 километри на час, секој ден повеќе од 15 пати на ден летале околу Земјата.
Летово, компанијата на Илон Маск влезе во борба за својот дел од колачот во вселенскиот туризам. Мисијата на Спејсекс Инспирејшн4 го заокружи летото во кое милијардерите Ричард Бренсон и Џеф Безос полетаа во вселената со вселенските летала Вирџин Галактик и Блу Ориџин во интервал од само неколку дена во јули.
