Овие групи на население припаѓаат на традиционалното гласачко тело на Единствена Русија, владејачката партија чија популарност опаѓа поради падот на животниот стандард по 2014 година, со растот на инфлацијата во последните месеци.
Сите војници и полицајци ќе добијат награда од 15.000 рубљи (170 евра) во септември, во согласност со извршните наредби донесени од Кремљ по минатонеделната најава на претседателот по повод партискиот конгрес на Единствена Русија.
Тогаш тој најави еднократна помош за пензионерите во износ од 10.000 рубљи (110 евра).
Иако бројот на корисници на помошта не е објавен, се проценува дека Русија има околу 42 милиони пензионери и речиси 1,7 милиони полицајци, војници и национални стражари.
Андреј Макаров, претседателот на Долниот дом на рускиот парламент задолжен за буџетот, рече, како што објави новинската агенција Интерфакс, дека оваа мерка државниот буџет ќе го чини повеќе од 500 милијарди рубљи или 5,77 милијарди евра.
Поради економската стагнација и корупциските скандали, Единствена Русија сега има 27,3 проценти јавна поддршка, објави Институтот за истражување на јавното мислење Всиом, близок до владата. Тој процент во голема мера се разликува од 62,2 проценти поддршка за Путин.
Критичарите на Кремљ, кои би можеле да го искористат незадоволството на јавноста, изложени се на напади од власта со наближувањето на изборите.
Властите се справија со движењето на затворениот опозициски лидер Алексеј Навални, чија организација ја прогласија за „екстремистичка“ и ја затворија неговата веб-страница. Многу нејзини членови се исфрлени од изборите или морале да ја напуштат земјата.
Неколку независни медиуми и невладината организација Голос (Глас) задолжени за следење на изборите неодамна се прогласени за „странски агенции“, што сериозно им ја отежнува работата.
