„Стојам и ќе продолжам да стојам на стража на полско-американскиот сојуз, витален столб на безбедноста за секој полски дом и за цела Европа. Добри сојузи се оние што се засноваат на соработка, меѓусебно почитување и посветеност на нашата заедничка безбедност“, рече Навроцки на Икс.
Тој му се заблагодари на Трамп за неговото пријателство кон Полска и за одлуките „чија практична димензија е многу јасно видлива денес“.
„Безбедноста на Полска и полскиот народ е мој врвен приоритет“, заклучи Навроцки.
Stoję i będę stać na straży sojuszu polsko-amerykańskiego – ważnego filaru bezpieczeństwa każdego polskiego domu i całej Europy.
Dobre sojusze to sojusze oparte na współpracy, wzajemnym szacunku i dbaniu o nasze wspólne bezpieczeństwo.Dziękuję Prezydentowi Stanów Zjednoczonych…
— Karol Nawrocki (@NawrockiKn) May 21, 2026
Американскиот претседател во четврток објави дека САД ќе испратат дополнителни 5.000 војници во Полска. Моментално има околу 8.500 американски војници стационирани во Полска, според податоците на полското Министерство за одбрана од јануари 2026 година.
Бројката варира поради ротацијата на единиците, а во некои периоди достигнува и околу 10.000 војници. Повеќето од овие сили не се трајно стационирани, туку доаѓаат преку ротациони мисии на НАТО и билатерални мисии. Има неколку стотици трајно распоредени американски војници (околу 369, според американските податоци), додека останатите се составени од копнени, воздушни и логистички единици кои ротираат.
