„Прво и основно, ова е бегање од одговорноста на ВМРО-ДПМНЕ. Нема потреба да се состанува само опозицијата, треба сите. Но, во ред, ако веќе ни ја префрлаат топката, ние го прифаќаме предизвикот, ќе свикаме средба на опозициските партии. Планираме од понеделник официјално и да ги поканиме опозициските партии“, истакна пратеникот Крмов.
Неговиот колега Елми Азири од Албанската лига вели дека за време на неколкумесечните средби меѓу партиите за Изборниот законик, неговата партија ги имаше своите предлози и за изборните единици, и за моделот на финансирање, како и за многу други прашања. „Но, ние бевме во функција на консензусот. Она од што ние не се откажуваме е можноста за гласање на дијаспората и на локалните избори. Тоа е многу едноставно. Доколку тоа не се овозможи, ние ќе продолжиме да го блокираме законот потпишан од неколку партии“, најави Азири.
