Својата изјава ја даде на состанокот на Шангајската организација за соработка во Киргистан, а доаѓа откако иранската војска во петокот објави дека извршила напади со беспилотни летала врз американски цели во Бахреин и Јордан. Иранската акција дојде како одговор на тринаесеттата ноќ по ред од американските напади врз Иран.
Арагчи истакна дека консултациите со Русија и Кина се непрекинати. „Редовно се консултираме со нашите пријатели во овие земји секогаш кога ќе се појави можност“, изјави тој за новинарите, според иранската новинска агенција Тасним.
Тој го наведе „американскиот пристап“ како главен проблем за напредокот на мировните преговори. „Еден од нашите принципи е да ги зачуваме иранските интереси во Ормускиот Теснец и ние сме посветени на тоа. Ќе продолжиме со нашите напори сѐ додека не се исполнат легитимните цели и барања на иранскиот народ“, заклучи тој.
Iran’s Foreign Minister Abbas Araghchi:
Iran has shown that it will not submit to America’s bullying, and we will by no means respond to the language of force, pressure, and threats.
We neither fear threats nor bow to pressure, and we will not tolerate the language of threats.… pic.twitter.com/PyFub3yAjc
— Clash Report (@clashreport) July 24, 2026
Реакции во регионот на иранските напади
Јорданската војска објави дека пресретнала седум ракети и шест дронови лансирани од Иран кон кралството. Според изјавата на неименуван воен претставник, во нападите немало жртви ниту материјална штета.
„Системите за воздушна одбрана и авионите на Кралските јордански воздухопловни сили соборија седум ракети и шест дрона што пристигнаа од Иран и беа насочени кон територијата на кралството“, се вели во соопштението. Во него се додава дека тимови од Кралскиот корпус на инженери ги отстраниле остатоците од летала.
Кувајтската армија, исто така, пријави активност на воздушната одбрана. Во соопштението се вели дека војската се соочува со „напади од непријателски дронови по иранска агресија“ и се објаснува дека „сите звуци на експлозии, доколку се слушнат, се резултат на работата на системите за воздушна одбрана што ги пресретнуваат непријателските напади“.
Одбранбените сили на Бахреин исто така соопштија дека нивните системи за противвоздушна одбрана пресретнале неколку ирански напади. Во порака објавена на социјалните мрежи, армијата повика на „внимание и избегнување приближување до какви било странски или сомнителни предмети што останале по бруталниот ирански напад, и истите да се пријават веднаш“.
Во соопштението се додава дека „намерната употреба на ракети и дронови од страна на Иран за таргетирање цивили и приватен имот претставува грубо кршење на меѓународното хуманитарно право“.
