Покрај оваа фотографија која веројатно ќе влезе во историјата, на социјалните мрежи масовно се споделува и фотографија од 15 февруари 1989 година.
На неа се гледа генералот Борис Громов, командант на 40 армија на СССР, како минува со синот преку Мостот на пријателството од Авганистан во Узбекистан. Тоа беше последниот советски војник кој ја напушти таа земја.
The image of the last American soldier to withdraw from Afghanistan, Chris Donahue – officially ending the US mission in Kabul on August 30, 2021 – echoes the image of the final Soviet to leave Afghanistan, Lieutenant General Boris Gromov, on February 15, 1989. pic.twitter.com/nwpqgZiNOg
— azharmuhammad (@theazhar55) August 31, 2021
Во Авганистан за 20 години загинаа нешто помалку од 2.500 американски војници, а во 10 години 14.450 советски војници. Американскиот државен секретар Ентони Блинкен кажа дека од 14 август со летови се префрлени над 123.000 луѓе од земјата, а САД во Авганистан оставиле меѓу 100 и 200 државјани (Британија призна дека зад нив останале најмалку 500 луѓе).
Соединетите Американски Држави го повлекоа дипломатското претставништво од Авганистан и операциите ќе ги водат од Катар, кажа Блинкен.
„Почна ново поглавје на американскиот ангажман во Авганистан. Тоа ќе го водиме со дипломатија“, кажа шефот на американската дипломатија и додаде дека Вашингтон ќе продолжи неуморно да им помага на луѓето да го напуштат Авганистан.
[video:https://youtu.be/GDAvaHnVc9g autoplay:0]
