„70 проценти од возрасните во ЕУ се целосно вакцинирани. Сакам да им се заблагодарам на големиот број луѓе што го овозможија ова големо достигнување“, порача на Твитер претседателката на Европската комисија, Урсула фон дер Лајен, пренесува Ројтерс.
Оваа бројка ја потврдува важната пресвртница што се случи во стратегијата за вакцинација на ЕУ по бавниот почеток, но исто така ги прикрива големите разлики меѓу земјите-членки, при што некои од нив се над целта од 70 проценти, додека други во посиромашниот источен регион на блокот се далеку зад неа, вели агенцијата.
