„Понекогаш се случуваат настани што ја катализираат историјата, што доведуваат до пробив, и мислам дека ситуацијата во Авганистан е еден од тие настани“, рече Борел од Словенија, додавајќи дека се надева на план во октомври или ноември, пренесе Ројтерс.
Борел повика на создавање сили за брза реакција од 5.000 војници, за да се намали зависноста од САД, како замена на борбените групи, формирани во 2007 година, но никогаш не користени поради спорови околу финансирањето и неволноста да бидат распоредени.
„Ситуацијата во Авганистан покажува дека никогаш немало поголема потреба од посилна европска одбрана“, рече Борел.
