„Ниту една држава во историјата не постигнала ништо слично. За извонредниот успех на мисијата се заслужни неверојатниот талент, смелост и несебична храброст на американската војска, нашите дипломати и нашите разузнавачки експерти“, рече Бајден во свечениот говор во Белата куќа.
Според него, САД и натаму се решени да ги евакуираат Американците што останаа во Авганистан, чиј број се проценува помеѓу 100 и 200.
Бајден ја бранеше одлуката за напуштање на Авганистан, наведувајќи дека САД немаат друг избор освен „заминување или воена ескалација“.
„Имавме едноставен избор. Или да ја следиме обврската на претходната администрација и да го напуштиме Авганистан, или да кажеме дека не заминуваме и да испратиме десетици илјади војници назад во војната“, рече тој.
Бајден додаде дека немал намера да ја продолжи „вечната војна“, ниту да го продолжи „вечното повлекување“ од Авганистан.
[video:https://www.youtube.com/watch?v=A1J1ETCQBkM autoplay:0]
