Аеродромот кој со денови служеше за евакуација на сојузниците од утринава е целосно во рацете на талибанците, 17 дена откако влегоа во Кабул. Ова значи дека главниот град на Авганистан е целосно во рацете на талибанците.
Талибанските лидери утринава прошетаа по пистата на аеродромот во Кабул и прогласија победа.
17 full days between the Taliban entering Kabul after President Ashraf Ghani fled the country and the Taliban taking control of the airport after the last U.S. officer toot off. pic.twitter.com/6UWW1S9Zhm
— Hassan I. Hassan (@hxhassan) August 31, 2021
„Се надевам дека светот ја научи лекцијата и ова е моментот на победата во кој уживаме“, кажа во изјава за медиумите од пистата на аеродромот талибанскиот портпарол Забихула Муџахид..
Талибанците ја снимија празната писта со своите мобилни телефони, опкружени од припадниците на специјалните сили на исламистите. Портпаролот на талибанците кажа: „Оваа победа ни припаѓа на сите нас“.
#Taliban fighters enter a hangar in #Kabul Airport and examine #chinook helicopters after #US leaves #Afghanistan. pic.twitter.com/flJx0cLf0p
— Nabih (@nabihbulos) August 30, 2021
Како што јавува Њујорк тајмс, талибанските власти тврдат дека повторно ќе го отворат аеродромот за неколку дена и луѓето со визи ќе може да заминат надвор.
„По 20 години ги победивме Американците“, кажа Мохамед Ислам, чувар на талибанците на аеродромот со каљашников во рацете. „Тие сега заминаа и нашата земја е слободна“.
„Јасно е што сакаме. Сакаме шеријат, мир и стабилност“.
САД вчера соопштија дека го завршиле повлекувањето на своите сили од Авганистан речиси 20 години по инвазијата во таа земја како одговор на нападите во Америка на 11 септември 2001 година.
Celebratory gunfire from #Taliban fighters shooting tracer rounds into #Kabul‘s night sky after #US withdrawal. pic.twitter.com/4dhrHz7CNw
— Nabih (@nabihbulos) August 30, 2021
