„Четириесет и еден процент од анкетираните Украинци рекоа дека мислат дека Русите и Украинците се еден народ, но 55 отсто од испитаните Украинци, сепак, не го делат ова мислење“, рече анкетарот, пренесува Тасс.
Како што се наведува, резултатите од анкетата се разликуваат во зависност од политичката гледна точка.
Идејата дека Русите и Украинците се една нација ја поддржуваат 65 проценти од испитаниците во источна Украина и 56 проценти во јужна Украина, додека 70 проценти од испитаниците во западна Украина не се согласуваат со овој став.
Анкетата е спроведена од 23 до 25 јули, меѓу 2.500 испитаници во сите украински региони, освен оние што не се контролирани од Киев.
