Претходно беше објавена веста за нивниот и-ХЕВ хибриден систем кога до јавноста стигна информацијата дека Џили постигнал помала потрошувачка на гориво од проусот на Тојота со овој погон.
Сега тие објавија дека овој погон постигнува термичка ефикасност од дури 48,4 проценти, што значи дека претвора речиси половина од енергијата од горивото во механичка енергија. За споредба, повеќето класични бензински и дизел мотори постигнуваат помеѓу 25 и 35 проценти, со исклучок на големите морски мотори со малку поголема ефикасност. Во исто време, најдобрите сериски хибридни мотори, „динамик форс“ на Тојота и е-пауер системите на Нисан, достигнуваат околу 42 проценти термичка ефикасност.
Џили го постигнува овој резултат со низа технички решенија, вклучувајќи го подобрениот систем за согорување „огнено торнадо“, влез за воздух во форма на „клун на патка“, односот на одот и провртување од 1,39, висок однос на компресија од 15,5:1 и притисок на вбризгување од 500 бари. Како и кај конкуренцијата, Милеровиот циклус дополнително го оптимизира процесот на согорување на горивото.
Џили наведува дека новиот систем користи вештачка интелигенција за попрецизно управување со енергијата и работата на моторот, пишува Карњуз Чајна. За време на тестирањето на кинескиот остров Хаинан, постигната е потрошувачка од само 2,22 литри на 100 километри. Гинис официјално ја потврди потрошувачката и топлинската ефикасност на системот.
Новиот и-ХЕВ систем може да се користи со 1,5-литарски бензински мотор, 1,5-литарски турбо бензински мотор и 2,0-литарски турбо бензински мотор. Џили тврди дека може да постигне такви резултати без оглед на избраната верзија на моторот.
Компанијата тврди дека нивниот систем веќе ги надминува јапонските хибриди во однос на технологијата. Новиот и-ХЕВ користи централизиран „мозок“ кој управува со функциите на кабината и шасијата и со помош на вештачка интелигенција ја оптимизира потрошувачката во реално време, во зависност од температурата, влажноста и надморската височина.
Новиот систем прво ќе се појави во моделот џили емгранд, а потоа и во моделите прифејс, монџаро, бојуе и сингјуе Л.
