Вашингтон почна со спроведување на блокадата на 13 април, насочена кон сите бродови кои влегуваат или излегуваат од иранските крајбрежни води. До 16 април мерките беа проширени на сите ирански бродови на отворено море, како и на бродови кои превезуваат стока што би можела да ги поддржи воените напори на Иран.
Досега, американските сили запленија еден контејнерски брод во Оманскиот Залив и се качија на еден санкциониран танкер во регионот на Индо-Пацификот.
Во вторникот Централната команда на САД (Центком) објави дека американските сили пренасочиле или вратиле 28 бродови откако започнала блокадата на иранските пристаништа.
Since the start of the U.S. blockade against ships entering or exiting Iranian ports, U.S. forces have directed 28 vessels to turn around or return to port. pic.twitter.com/mZOq3SfxKt
— U.S. Central Command (@CENTCOM) April 21, 2026
Во интервју за Си-ен-би-си истиот ден, американскиот претседател Доналд Трамп кажа: „Блокадата беше огромен успех“, додавајќи дека нема да го укине ембаргото на САД врз Ормускиот теснец додека Вашингтон не постигне „конечен договор“ со Иран.
И покрај овие напори, десетици бродови успеале да ја избегнат блокадата, според извештајот. Најмалку 19 танкери поврзани со Иран го напуштиле Персискиот Залив, додека 15 влегле од Арапско Море на пат кон Иран.
Меѓу оние што отпловиле, најмалку шест наводно носеле иранска сурова нафта во вкупно количество од 10,7 милиони барели. Бидејќи иранската нафта обично се продава по пониска цена од референтната нафта Брент, со попуст од 10 долари за барел, вредноста на таа пратка се проценува на околу 910 милиони долари.
Конфликтот меѓу Вашингтон и Иран почна на 28 февруари кога САД и Израел го нападнаа Иран, предизвикувајќи возвратни напади од страна на Техеран врз американските интереси и бази низ Блискиот Исток.
Потоа, на 11 и 12 април, Исламабад беше домаќин на разговорите на највисоко ниво меѓу Вашингтон и Техеран, првите откако двете земји ги прекинаа дипломатските односи во 1979 година.
Иран накратко ја укина контролата врз Ормутскиот теснец минатиот петок, но ја воспостави повторно еден ден подоцна откако Трамп рече дека блокадата на иранските пристаништа ќе остане на сила.
