Според еден од претставниците, кој зборувал под услов на анонимност, Централната команда на американската војска (ЦЕНТКОМ) во последните три недели спровела околу 70 трговски брода низ овој стратегиски поморски премин.
Изворите наведуваат дека поголем дел од бродовите ги исклучиле своите транспондери — уреди за електронско следење и идентификација — за да избегнат да бидат откриени од иранските сили.
Американските власти одбиле да откријат за какви бродови станува збор и по кои рути се движеле.
Секој брод што плови во близина на иранскиот брег без изрична дозвола од Техеран ризикува директен напад. Поради тоа, поморските аналитичари проценуваат дека овие тајни преминувања, организирани под американско водство, најверојатно се одвивале по маршрути значително поблиску до територијалните води на Оман.
Пред избувнувањето на конфликтот, низ Ормускиот теснец секојдневно минуваа повеќе од 100 трговски брода.
Бидејќи овие операции се спроведуваат во целосна тајност и со исклучени системи за следење, аналитичарите истакнуваат дека во моментов е невозможно независно да се потврди точниот број на бродовите што успешно го поминале теснецот.
