Според информациите од полицијата, незгодата се случила на 30 мај околу 14:10 часот и во неа учествувале четири возила – товарно возило фолксваген кеди со кичевски регистарски ознаки, управувано од Ф.К. (62) од селото Грешница, товарно возило сканија со албански регистарски ознаки, управувано од А.С. (60) од Република Албанија, патнички автомобил бмв со унгарски регистарски ознаки, управуван од В.К. (45) од Будимпешта, како и патнички автомобил фиат со српски регистарски ознаки, управуван од М.Г. (32) од Ниш.
Во незгодата тешки телесни повреди добил возачот на фолксвагенот, кој поради сериозноста на повредите бил пренесен во Ургентниот центар при Клиничкиот центар „Мајка Тереза“ во Скопје.
Увид на местото на настанот извршиле полициски екипи.
