„Во текот на оваа недела, Русите лансираа повеќе од 2.300 напаѓачки дронови, речиси 1.560 наведувани воздушни бомби и 108 ракети од различни видови против нашиот народ. Сите овие напади беа насочени едноставно кон обична цивилна инфраструктура, т.е. станбени згради и енергетски објекти“, рече Зеленски во објава на социјалната мрежа Икс.
Според него, секојдневно се работи на обезбедување поголема заштита од „рускиот терор“.
Over this week, the Russians have launched more than 2,300 attack drones, nearly 1,560 guided aerial bombs, and 108 missiles of various types against our people. All these strikes were directed simply at ordinary civilian infrastructure – residential buildings and energy… pic.twitter.com/RYMLNQCKam
— Volodymyr Zelenskyy / Володимир Зеленський (@ZelenskyyUa) May 31, 2026
„Вчера добивме нов лансер ИРИС-Т. Ѝ благодариме на Германија за нејзиниот континуиран придонес во заштитата на луѓето. Илјадници и илјадници животи се спасени благодарение на таквата силна поддршка. Но, ни требаат и ракети за системите за воздушна одбрана за да имаме доволен капацитет да ги одбиеме руските напади“, додаде тој.
Како што изјави, оваа недела беа постигнати значајни договори со Шведска, нов пакет за поддршка, вклучувајќи го и зајакнувањето на украинската авијација со борбени авиони „грипен“.
“Што се однесува до иницијативата ПУРЛ (Список на приоритетни барања на Украина), оваа година постојат нови придонеси и поддршката на оваа иницијатива мора да продолжи. Сметаме и на Соединетите Држави и на европските партнери”, истакна Зеленски.
Претседателот на Украина оцени дека токму антибалистичката одбрана е еден од клучните приоритети за Украина.
„Силната воздушна одбрана може да обезбеди поголема заштита за нашиот народ и да ја лиши Русија од нејзината последна преостаната предност. Им благодарам на сите партнери кои помагаат, кои се подготвени ефикасно да одговорат на обидите на Москва да ја прошири и ескалира својата војна. Многу е важно јасно да се разбере ова: војната како избор ќе има последици“, заклучи Зеленски.
