„Граѓаните“ во 2019 направија изненадувачки трансфер и го ангажираа Скот Карсон на позајмица.
Им беше потребен трет голман, по можност да биде израснат во домашниот фудбалски систем и со своето искуство да им помогне на голманите кои се прв и втор избор.
Англичанецот ги исполни сите критериуми, па по две години поминати на позајмица, тој направи перманентен трансфер во Манчестер Сити и се задржа на „Етихад“ уште четири години.
Денеска пристигна информација дека 39 годишниот Скот Карсон го напушта клубот по шест години, но тој сигурно нема многу да жали.
Во шест сезони поминати во Манчестер Сити, голманот заработи околу 9 милиони фунти, освои дури 11 трофеи, а одигра едвај два натпревари.
„Сите во Манчестер Сити сакаат ад му се заблагодарат на Скот за напорната работа и посветеноста, и да му посакаат многу среќа во иднина“ – гласеше дел од известувањето.
ФОТО: X/Manchester City
