„Благодарен сум ѝ на Јулија за нејзината јасна, доследна и ефикасна работа како премиер, за нејзините години продуктивна служба во украинскиот тим и ѝ понудив можност да води нова и важна област на односи со клучен партнер“, објави Зеленски на социјалната платформа Икс.
Ukraine is changing its political strategy. Each priority area of foreign policy will be assigned to a specific person with substantial experience who is capable of implementing what we agree on at the leaders’ level and what the Ukrainian people expect. The most important of… pic.twitter.com/YVdZJu6KUZ
— Volodymyr Zelenskyy / Володимир Зеленський (@ZelenskyyUa) July 12, 2026
„Очекувам дека заедно со пратениците во парламентот ќе направиме соодветни промени во владата на Украина“, додаде тој.
Зеленски рече дека промените во владата се потребни за „да се обезбеди спроведување на ажурираната политичка стратегија“, но не ја објасни одлуката подетално.
Свириденко беше назначена за премиерка во јули 2025 година.
Зеленски не ја прецизираше новата улога на Свириденко, ниту го именуваше нејзиниот наследник, но додаде дека промени ќе се случат и кога станува збор за раководителите на безбедносните служби.
Опозицискиот парламентарен претставник Јарослав Железњак изјави дека Свириденко веројатно ќе ја преземе улогата на амбасадорка во Соединетите Држави.
„Ова значи дека таа ќе ја напушти функцијата премиер, а целата влада ќе биде реструктуирана“, рече Железњак на платформата Телеграм.
Според украинскиот закон, оставката на премиерот мора да биде потврдена од парламентот, а тоа подразбира оставка на целата влада.
Претставниците на парламентот велат дека некои од можните наследници на Свириденко би можеле да бидат министерот за енергетика и нејзиниот претходник Денис Шмихал, министерот за одбрана Михајло Федоров и Серхиј Корецки, шеф на државната енергетска компанија Нафтогас.
