Тајфунот денеска сепак ослабна и тропската бура се смири, додека ветровите во центарот дуваат со брзина од 101 километар на час, според податоците на кинескиот национален метеоролошки центар.
Се очекува Бави да продолжи да се движи кон северозапад низ источна Кина.
Тајфунот вчера помина северно од Тајван, но не стигна до копното.
Тајванската противпожарна служба соопшти дека до утрово најмалку 134 лица биле повредени низ целиот остров.
Се очекува силни ветрови и обилни врнежи од дожд денес да погодат многу градови во источна Кина, соопшти државната метеоролошка служба.
Повеќе од 290.000 лица се евакуирани од погодените области на Шангај, објавија локалните медиуми.
Today, massive waves topping 10 meters (33 feet) battered the coast of Zhejiang, China, as Typhoon Bavi slammed ashore. pic.twitter.com/HdvIrzInaJ
— Weather Monitor (@WeatherMonitors) July 11, 2026
Властите во Џеџијанг евакуираа околу 2,2 милиони жители, додека повеќе од 180.000 луѓе беа спасени во покраината Фуџијан.
Current visuals from Tofu Rock in Zhubei City, Hsinchu County, Taiwan, as Typhoon Bavi continues to impact the region. pic.twitter.com/IHzgK71egi
— Weather Monitor (@WeatherMonitors) July 11, 2026
Аеродромите Пудонг и Хонгчао во Шангај би можеле да откажат околу 653 дојдовни летови, објави новинската агенција Синхуа.
Според државната телевизија ЦЦТВ, повеќе од 1.300 дрвја биле соборени во крајбрежниот град Јуеќинг во покраината Џеџијанг, од кои најмалку 700 биле откорнати од корен.
