Македонските ракометари го одиграа првиот од четирите планирани пријателски натпревари во подготовките за Европското првенство. Денеска беше совладан составот на Кувајт со 31-21.
Очекувано, селекторот Лазаров не беше и играч на овој натпревар, а во составот ги немаше и Митревски, Велковски и Кузмановски.
Во првото полувреме беше рамноправно, на одморот се замина со водство од само еден гол за Македонија 14-13.
Но, во вториот дел Македонија почна фуриозно, со серија од 8-0. Кувајт првиот гол во второто полувреме го постигна дури во 43. минута. На крајот македонската репрезентација славеше со 31-21.
Најефикасен беше Серафимов кој постигна седум голови, Талески постигна пет, по четири пати погодија Ојлески и Маџовски. Томовски имаше шест одбрани, Кизиќ пет.
Во среда овие две селекции го играат вториот пријателски натпревар, исто така во Маврово.
