Во февруари 2025 година, проценетиот максимален ризик од судир на астероидот 2024 ИР4 со Земјата кога повторно ќе се приближи во 2032 година беше 3,1 отсто.
Сега тој ризик е зголемен на 4,3 отсто – но не од судир со Земјата, туку со Месечината!
Тоа не е особено висок процент, но доволно е висок за да биде прилично возбудлив. Овој удар нема да ја уништи Месечината ниту ќе влијае на нејзината орбита, но би било научно многу интересно да се гледа како се формира голем кратер.
Астероидот 2024 ИР4 имаше спектакуларно појавување. Првичните проценки за неговата траекторија укажуваа дека би можел да се судри со Земјата во декември 2032 година. Ризикот не беше огромен, но 3,1 отсто е сè уште загрижувачки високо за настан што би можел да збрише град – ова парче карпа е со дијаметар помеѓу 53 и 67 метри, споредливо со големината на астероидот што ја уништи Тунгуска во 1908 година.
За среќа, наскоро тој ризик беше намален на помалку од дел од процент, што практично ја исклучи можноста астероидот 2024 ИР4 да се судри со Земјата.
Сепак, Месечината остана на нишанот, со ризик од судир од 3,8 проценти.
Сега, користејќи нови набљудувања од телескопот Џемс Веб од мај 2025 година, астрономите предводени од Енди Ривкин од Лабораторијата за применета физика Џон Хопкинс дополнително ги усовршија тие пресметки и го зголемија ризикот на 4,3 проценти.
Веројатно ова сè уште не е последниот збор за ова прашање, следењето на астероидите бара повеќекратни набљудувања, а 2024 ИР4 сега е премногу далеку за да се види.
