Исто така, првпат ќе се проверуваат и изјавите на 10 претседатели на совети во локалната самоуправа и 10 директори на јавни претпријатија.
Како што информира претседателката на ДКСК, Билјана Ивановска, составен дел на планот е и акциски план за проверка на имотната состојба и судир на интереси од областа на правосудството, локалната самоуправа и органите на извршната власт.
Овие области, како што вели Ивановска, во последните години се оценети како ризични во однос на перцепцијата на граѓаните во разни анкети или нивни искуства за коруптивните дејствија.
