На новинарско прашање што презема Министерството за транспорт за санкционирање на превозниците без лиценци и дали е почната проверка на сите издадени лиценци за вршење превоз, Бочварски рече дека се постапува секојдневно.
„Како Министерство постапуваме секојдневно. Таму каде што согласно Законот можеме, веднаш ги одземаме и лиценците и сите оние документи за кои компаниите немаат документација или прекршиле некаков член од законите. Што се однесува до овој случај конкретно, Министерството за внатрешни работи постапи во негова ингеренција и се санкционираше еден ваков пример, што значи дека државата работи на сузбивање на сите овие појави кои се случуваат. Ние како Министерство продолжуваме со активна работа и борба против ваквите појави во државата“, рече Бочварски.
