Осомничениот бил припадник на елитната армиска специјална единица Волци каде бил подофицер надлежен за врски и комуникации во единицата. Бил преземен од кабинетот во времето кога аѓунтант на тогашниот претседател Ѓорге Иванов беше генералот Васко Ѓурчиновски.
Осомничениот ја вршел истата функција и во кабинетот на Стево Пендаровски, а продолжил и во третиот за него кабинет – актуелниот на Сиљановска Давкова. На работа одел во кабинетот како надворешен соработник, а работното место му било во армиските специјалци каде се добива и бенефициран стаж. Поради тоа заминал во пензија, но бидејќи не можело да се добие одобрување од Министерство за финансии за ново вработување, осомничениот продолжил и како пензионер да го опслужува кабинетот на претседателката, објави телевизијата.
Јавното обвинителство на 20 мај објави дека за овој случај се води предистрага од декември лани.
