„Од Министерството за здравство ни велат дека нема средства. Бевме и во Министерството за финансии од каде ни кажаа дека ќе се обидат да ја средат работата, но до денеска немаме никаков одговор. Меѓу нас има лица кои работеле и по четири и по осум години со договор на дело“, вели еден од учесниците на протестот.
Министерот за здравство Азир Алиу порача дека министерството креира политики базирани на податоци и потреби кои ги има здравствениот систем.
Директорот на детската клиника Реџеп Мемеди тврди дека установата има потреба од овој персонал и дека тој навреме поднел барања за продолжување на работниот ангажман на овие лица.
