Од СВР Охрид информираат дека случајот бил евидентиран на 25 јули, кога полициски службеници од Полициската станица за граничен надзор Лабуништа, при извршување на редовни службени активности, ги забележале човечките останки. Покрај черепот, на местото биле пронајдени и други предмети, кои ќе бидат предмет на понатамошна анализа.
По извршениот увид, во координација со надлежните институции се преземаат мерки за утврдување на идентитетот на лицето и за целосно расчистување на случајот.
Од полицијата засега не соопштуваат повеќе детали за околностите под кои биле пронајдени човечките останки. Истрагата е во тек.
