„Во постојан контакт сме со нашите американски партнери. Ние сме им благодарни и се надеваме дека прашањето за војната што Русија ја води против Украина ќе биде споменато во таа пригода кога американскиот претседател ќе биде во Кина“, кажа Зеленски во говорот на самитот на земјите од централна Европа во Романија.
Зеленски со месеци бара посилни дипломатски напори, под покровителство на Вашингтон, за да се најде излез од војната, но процесот е на мртва точка откако избувна војната на Блискиот Исток.
Минатата недела тридневното примирје меѓу Русија и Украина, посредувано од Соединетите Американски Држави, беше нарушено со обвинувања за прекршувања од двете страни.
Трамп пристигна во Пекинг денес, во прва посета на американски претседател на Кина по речиси десет години.
Ројтерс пишува дека се очекува Трамп да се обиде да ја притисне Кина да го убеди Иран да постигне договор со Вашингтон за прекин на конфликтот, иако кажа дека не мисли дека ќе му треба кинеска помош.
