Според првичните информации, обезбедувањето на влезот не го претресло Шкамби и тој влегол вооружен во судот.
Откако била објавена одлуката, која, според сторителот, била во корист на другата страна, тој извадил пиштол и директно го застрелал судијата Калаја. Веднаш потоа, сторителот ги застрелал Ракип и Ервис Куртај – татко и син – кои ја застапувале другата страна во спорот. Двајцата се повредени и се пренесени во болница, но се надвор од животна опасност.
Judge Astrit Kalaja was killed inside the courtroom in Albania in a shocking act.
This incident marks the first time a judge has been murdered inside a courtroom in Albania. pic.twitter.com/W4mHyb97dP— Isa Myzyraj (@IsamyzyrajAlb) October 6, 2025
Државната полиција реагирала брзо, го уапсила сторителот на местото на настанот и го конфискувала употребеното оружје. Шкамби веднаш го признал делото. „Јас сум сторителот. Судијата пресуди во корист на другата страна“, наводно му рекол на истражниот тим за време на испрашувањето. Тој во моментов се наоѓа во просториите на локалната полициска управа во Тирана, каде што е испрашуван, додека истрагата е во тек.
Ова е прв пат во историјата на албанскиот судски систем судија да биде убиен додека е на должност во судницата. Судијата Астрит Калаја имал долга кариера во судството, а пред тоа служел во Апелацискиот суд во Скадар.
Апелациониот суд моментално го обезбедува приватна компанија за обезбедување, а претходно било објавено дека детекторите за метал на влезот не работеле кога сторителот влегол во зградата. Настанот предизвика реакции на највисоките државни функционери и домашни и меѓународни организации, кои го нарекоа убиството „напад врз правдата“ и „невиден чин кој бара остар одговор и длабоко институционално размислување“.
