Полесно е повредена една вработена во компанија за чистење, која успеала да ја напушти зградата непосредно пред нејзиното уривање.
На местото на несреќата интервенираат бројни екипи на пожарникари, полиција и брза помош, додека експерти проверуваат дали постои опасност од дополнително уривање, пишува Република.
Crolla parte del tetto del Tribunale di #Bolzano intorno alle 6 di questa mattina. Il cedimento è avvenuto durante dei lavori di ristrutturazione, vigili del fuoco, forze dell’ordine sul posto per le verifiche di rito.#bolzano #tribunale #crollo pic.twitter.com/F9dN4xU1ha
— Marco Ferraglioni (@MFerraglioni) July 16, 2026
Главниот обвинител Аксел Бизињано изјави дека централниот дел од судската зграда е целосно неупотреблив.
„Сè уште е прерано да се зборува за причините. Во моментов најважно е што побрзо да ја обновиме работата на судот и да видиме како ќе ги прераспределиме вработените“, рече тој.
Жителите на зградите околу Судскиот плоштад раскажуваат дека слушнале „исклучително силен тресок, како земјотрес“, по што следувало уривање и голем облак прашина.
Набрзо на плоштадот се собрале голем број љубопитни граѓани за да го фотографираат и снимаат настанот.
Низ огромниот отвор што настанал по уривањето од плоштадот се гледа планината Сан Џенезио. Полицијата го обезбеди поширокото подрачје и го затвори влезот во подземната гаража под плоштадот.
На местото на несреќата пристигнаа и градоначалникот на Болцано, Клаудио Корати, префектот Мадалена Траваглини и претседателката на судот Франческа Бортолоти.
„Покраината Болцано е сопственик на оваа зграда од 2018 година. За оваа, како и за другите судски згради што ги презедовме, подготвивме повеќегодишен план за реновирање. Работите што беа во тек се дел од тој план“, рече гувернерот на Јужен Тирол, Арно Компачер.
„Мора темелно да се утврди дали овие работи се поврзани со денешното уривање. Во меѓувреме веќе бараме алтернативни простории за правосудните институции“, рече тој.
Тој додаде дека најважно е што нема загинати и тешко повредени.
„Имавме огромна среќа. Не можам ни да замислам што ќе се случеше доколку уривањето се случеше подоцна во текот на денот, кога во зградата ќе имаше многу повеќе луѓе. Најважно е што сите се безбедни. Сè друго може да се поправи“, истакна Компачер.
Главниот противпожарен инспектор Кристијан Ауер изјави дека во првиот момент помислиле дека станува збор за експлозија или напад.
„По првичните проверки сфативме дека станува збор за нарушување на статиката. Остатоците паднаа внатре во зградата; доколку имаше експлозија, тие ќе беа расфрлани низ целиот плоштад. Во објектот се изведуваа градежни работи, а конструкцијата претходно имаше проблеми со навлегување вода“, објасни Ауер.
Тој додаде дека во зградата се наоѓале работници од компанијата за чистење.
„Повеќето веќе беа излезени, но една жена недостасуваше. Успеавме да стапиме во контакт со неа по телефон додека сè уште беше внатре и ѝ дадовме насоки како безбедно да излезе.“
Домарот на судот, Федерико Роса, изјави дека чувствува како да бил спасен со чудо.
„Околу 6:05 часот го слушнав уривањето. Го евакуиравме персоналот за чистење и повикавме 112. Потоа пристигнаа пожарникарите и полицијата. Го слушнав силниот удар и видов облак прашина. Малку се исплашив, но најважно е што сите успеаја да излезат живи и без сериозни повреди“, рече Роса.
