Тоа е традиција која трае повеќе од еден век, имајќи предвид дека по смртта на член на британското кралско семејство, од судовите се бара да ги запечатат нивните тестаменти, пишува Би-би-си. Ова значи дека тие не се достапни за јавноста.
По 90 години, ќе се одржи приватен процес на кој ќе се одлучи дали тестаментот може да се отпечати.
Расправата по барањето за запечатување на тестаментот во јули во приватност ја одржа Сер Ендрју Мекфарлан, највисокиот судија на Семејниот суд.
Тој ги слушна аргументите на адвокатите што го застапуваат имотот на починатиот војвода, како и аргументите на државниот адвокат, и својата одлука ја објави во четвртокот.
Мекфарлан објасни дека тој, како претседател на Одделот за семејство на Високиот суд, е чувар на сефот со повеќе од 30 пликови, од кои секој содржи запечатен тестамент на починат член на кралското семејство.
За прв пат по повеќе од сто години, започнат е процес што ќе овозможи објавување на овие тестаменти.
Принцот Филип (99) почина во април годинава.
