Церемонијата се одржа откако Северна Кореја го претстави воениот брод во април минатата година, во обид да ја зајакне поморската моќ на земјата, објави новинската агенција Јонхап, додавајќи дека „Чо Хјон“ бил тестиран неколку месеци пред да биде ставен во оперативна употреба.
Лидерот на земјата Ким Џонг Ун рече дека разурнувачот поседува „најсовршени, најсложени оперативни и борбени способности“.
„Борбените способности на нашата морнарица ќе растат и ќе бидат вредни за восхит“, рече тој, додавајќи дека претходно морнарицата била најслабата точка на армијата, но дека сега работите се промениле.
Corea del Norte pone en servicio nuevo destructor y proclama avances en armada con armas nucleares
La televisión estatal de Corea del Norte publicó el miércoles imágenes de la ceremonia en la que el destructor de 5.000 toneladas Choe Hyon entró en servicio tras 14 meses de… pic.twitter.com/DbODL7h0yG
— DW Español (@dw_espanol) June 24, 2026
„Распоредувањето на разурнувачите е стратешки курс од клучно значење. Тоа ќе го зајакне потенцијалот на земјата за нуклеарно одвраќање и ќе овозможи поразновидни и поефикасни операции на нејзините нуклеарни сили. Програмата за опремување на морнарицата со нуклеарно оружје сигурно го следи планираниот курс“, рече тој.
Ким најави пуштање во функција на уште еден разурнувач – Канг Кон, како и стратешки воени бродови од 10.000 тони еден по друг.
