Лавров нагласи дека вистинската намера е да се зајакне режимот на Зеленски и да се зачува како платформа за продолжување на конфликтот со Русија, пренесува ТАСС.
„Вистинската цел на европските лидери затоа не е да преговараат со Русија. Тоа е да се зајакне режимот на Зеленски и да се зачува како отскочна даска за продолжување на конфликтот против Русија“, вели Лавров во својата статија насловена како „Украина, Европа и глобалната безбедност“.
Статијата на рускиот министер за надворешни работи требаше да биде објавена во бриселското издание на порталот Политико-Европа, но уредничкиот одбор ја откажа публикацијата во последен момент, според рускиот ТАСС.
