Специјалната обвинителка Лидија Вукчевиќ кажа на конференција за новинарите во Подгорица дека обвинителството на почетокот на септември донело наредба за спроведување на истрага против Брковиќ, неговите синови Борис и Бојан, и извршниот директор на компанијата Вектра Милиќ Поповиќ.
Тие се осомничени за злоупотреба на овластувања во стопанството и перење пари.
Вукчевиќ кажа дека од доказите кои обвинителите ги собрале се дознава дека осомничените за време на 2018 и 2019 година за седум милиони евра продале дел од имотот на претпријатието, а дека парите не отишле за тоа за што биле наменети.
Објасни дека тие пари со фиктивни договори биле пренесени на други фирми, меѓу кои и договор за трансфер на 2.000.000 евра на сметка на фирма од Абу Даби, чиј сопственик е еден од осомничените.
Обвинителката Вукчевиќ кажа дека паралелно со таа почната е и финансиска истрага против осомничените и лица поврзани со нив.
