Калас напиша на социјалната мрежа Икс дека разговарала со вршителката на должноста претседателка на Венецуела, Делси Родригез, и ѝ ја пренела „целосната солидарност на ЕУ со народот на Венецуела и нејзиното најдлабоко сочувство до семејствата на оние што ги загубиле своите најблиски“.
Калас, исто така, го најави активирањето на Европскиот механизам за цивилна заштита и додаде дека „неколку земји членки (на ЕУ) брзо распоредија екипи за пребарување и спасување, пожарникари и медицински персонал“.
„Сателитскиот систем Коперник на ЕУ ги поддржува службите за итни случаи така што помага во мапирањето на штетите и насочувањето на помошта таму каде што е најпотребна“, се додава во соопштението.
Калас заклучи дека „Европа е со Венецуела во овој момент на неволја“.
Во двата големи земјотреси во Венецуела оваа недела загинаа 1.430 лица, а повеќе од 68.000 се водат како исчезнати, според најновите официјални податоци.
