Хамас го осуди „кукавичкото израелско убиство“ на ал-Хадад, командант кој го водел вооруженото крило на Хамас во Појасот Газа, Бригадите Ал Касам, објави Ал џезира.
Хамас соопшти дека ал-Хадад бил убиен во петокот вечерта заедно со неговата сопруга, ќерка и други палестински цивили, обвинувајќи го Израел за најновото кршење на договорот за прекин на огнот во окупираната палестинска енклава и континуираната израелска агресија врз невини палестински цивили.
Палестинското муџахединско движење и неговото воено крило, Муџахединските бригади, издадоа соопштение во кое се вели дека Из ал-Дин ал-Хадад е убиен во брутален израелски напад.
“Ги поздравуваме неговите огромни жртви и долга борба, и се сеќаваме на неговата богата историја на отпор против ционистичкиот непријател до мачеништво. Израел нема да може да го реши конфликтот, и покрај воената машинерија и уништувањето што го спроведува повеќе од две и пол години,” се вели во заедничкото соопштение.
Израелските одбранбени сили (ИДФ) претходно соопштија дека во воздушен напад во Газа е убиен лидерот на Хамас во Појасот Газа и шефот на военото крило на групата, Из ал-Дин ал-Хадад.
Според Израелските одбранбени сили, Хадад бил цел на „прецизен удар“ и бил означен како еден од „архитектите на масакрот од 7 октомври“.
