„Непријателски авиони синоќа погодија куќа во Кфар Дунин, при што убија шест, а седум лица беа ранети, кои беа пренесени во болници во Тир“, напиша агенцијата.
Во меѓувреме, израелската армија на социјалните мрежи нареди евакуација на жителите на малото гратче Сохмор во долината Бека на истокот од земјата поради очекуваното бомбардирање.
И покрај прекинот на огнот што е во сила од 17 април, Израел продолжи да гранатира неколку региони во Либан, а проиранската милиција Хезболах продолжува да ја презема одговорноста за нападите врз израелски цели.
На 2 март, Хезболах го нападна Израел со балистички ракети за да ја одмазди смртта на врховниот лидер на Иран, ајатолахот Али Хамнеи, кој беше убиен на првиот ден од израелско-американската офанзива против Техеран. Израел одговори со масовни воздушни напади и копнена инвазија на југот од земјата.
Од почетокот на војната во Либан, 2.869 лица се убиени во израелски напади, според либанското Министерство за здравство, вклучувајќи десетици убиени откако стапи на сила прекинот на огнот.
Понатамошни разговори меѓу Либан и Израел се очекуваат во Вашингтон во четврток и петок.
