Есмаил Багаеи, според иранските државни медиуми, изјавил дека Иран мора да биде внимателен со објавувањето на датумот за потпишување поради двоумењето на САД. Неговите коментари доаѓаат во услови на растечки шпекулации дека почетен договор би можел да се постигне овој викенд, наводно поради желбата на Доналд Трамп да го обезбеди пред да замине на самитот на Г7 во понеделник, пренесува Ројтерс.
Ова соопштение е во спротивност со претходната изјава на пакистанскиот премиер, кој денес изјави дека договорот е „поблиску од кога било“ и дека „веројатно се очекува негово склучување во следните 24 часа“, пренесува Скај њуз.
Додека трае неизвесноста околу датумот на можен договор со Соединетите Американски Држави, Иран се сретна со своите клучни сојузници во Техеран. Иранскиот заменик-министер за надворешни работи, Казем Гарибабади, разговараше со руски и кинески претставници, објави полуофицијалната иранска новинска агенција ИСНА.
„Разменивме мислења и разговаравме за најновите случувања во врска со нацрт-меморандумот за разбирање во Исламабад“, се вели во изјавата на Гарибади. „Стратешкото партнерство меѓу Иран, Кина и Русија, како и координацијата и соработката на трите земји, ќе продолжат цврсто.“
Од друга страна, Пакистан сè уште инсистира дека потпишувањето ќе се случи утре. Пакистанскиот вицепремиер и министер за надворешни работи, Ишак Дар, разговараше со својот саудиски колега, а пакистанското Министерство за надворешни работи соопшти дека претставниците на земјите-посредници ги поздравиле разговорите меѓу САД и Иран, кои се во завршна фаза.
Deputy Prime Minister / Foreign Minister Senator Mohammad Ishaq Dar @MIshaqDar50 held a telephone conversation today with the Foreign Minister of the Kingdom of Saudi Arabia, Prince Faisal bin Farhan @faisalbinfarhan.
They welcomed the US–Iran negotiations in their final stage,… pic.twitter.com/k3avNjwAxe
— Ministry of Foreign Affairs – Pakistan (@ForeignOfficePk) June 13, 2026
Министерството, исто така, повтори дека церемонијата на електронско потпишување е закажана за недела. Соопштението доаѓа и покрај тврдењето на Техеран дека потпишувањето би можело да се случи во наредните денови, но не утре.
